Kjarasamningar við Félag ráðgjafarverkfræðinga (FRV)

Nýr kjarasamningur í desember 2011

Gildandi kjarasamningur við Félag ráðgjafarverkfræðinga var undirritaður í desember 2011. Gildistími er 1. janúar til 31. desember 2012. Helstu breytingar eru tilgreindar hér að neðan.

Laun hækka um 3,95% frá 1. janúar 2012.

Vinna á stórhátíðum greiðist með tímakaupi sem nemur 1,375% af mánaðarlaunum.

Breytingar voru gerða á kafla 6 þar sem fjallað er um tryggingar. Vísitöluhækkanir reiknast mánaðarlega og tryggingafjárhæðir hækkaðar. Við 100% örorku verða bætur kr. 40.781.250.-

Vaktavinna. Þeir sem vinna vaktavinnu skuli fá vaktaálag fyrir unnin störf á þeim tíma er fellur utan venjulegs dagvinnutíma, en er hluti vikulegrar vinnuskyldu.

Ný grein kveður á um stórhátíðardaga.

Samningurinn frá janúar 2011

Var undirritaður í janúar og var gildistími hans til 31. desember 2011. Þó ekki hafi verið gerðar miklar breytingar á samningnum að þessu sinni var ákveðið að undirrita hann í heild sinni.

Samningurinn gildir fyrir verkfræðinga og tæknifræðinga hjá verkfræðistofum.

Breytingar frá fyrri kjarasamningi eru:

Launahækkanir samningsins eru tvær. Sú fyrri 1. febrúar 2011 2,4% og 1. júlí 2011 2,5%.

Samkvæmt kjarasamningnum er greitt 1% af heildarlaunum í sjúkrasjóð viðkomandi kjarafélags.

Orlofsuppbót og desemberuppbót á að vera innifalin í kjörum starfsmanns.

Frá og með 1. september 2011 ber öllum launagreiðendum að greiða 0,13% í Starfsendurhæfingarsjóð. Sú greiðsla á að berast til lífeyrissjóðs viðkomandi starfsmanns.