Vísinda- og endurmenntunarsjóður
Í kjarasamningi sem Kjarafélag tæknifræðinga undirritaði í nóvember 1989 við Fjármálaráðherra og Reykjavíkurborg var samið um stofnun Vísinda- og starfsmenntunarsjóðs tæknifræðinga.
Markmið sjóðsins er að styrkja fjárhagslegan grundvöll símenntunar og endurmenntunar tæknifræðinga í tengslum við menntun þeirra. Ennfremur er markmið sjóðsins að stuðla að auknum rannsóknum og þróunarstarfi á vegum sjóðfélaga.
Tekjur sjóðsins eru framlag atvinnurekenda samkvæmt kjarasamningum.
Á stjórnarfundi sjóðsstjórnar 28. ágúst 1998 voru úthlutanareglur endurskoðaðar á þann hátt að sérhver félagsmaður getur fengið úthlutað að hámarki 300 þús. á þriggja ára fresti. Auk þess geta nýir starfsmenn fengið 100 þúsund eftir eins árs starf. Styrkveitingar sjóðsins hafa aðallega verið vegna námskeiða sem menn hafa sótt hérlendis sem erlendis. Meðal annars hafa nokkrir félagsmenn sótt þriggja anna viðskipta - og rekstrarnám hjá Endurmenntunarstofnun með styrk sjóðsins. Sjóðurinn veitir einnig styrki vegna tölvukaupa, veittur er að hámarki 150 þús. króna styrkur eða að hámarki 75% af kaupverði tölvu.
Þá skal á það bent að aðrir vinnuveitendur geta gerst aðilar að sjóðnum að uppfylltum skilyrðum sjóðsstjórnar
Stjórn sjóðsins er skipuð tveimur fulltrúum frá vinnuveitendum og tveimur frá KTFÍ.
Fulltrúi Reykjavíkurborgar er Árni R. Stefánsson, deildarstjóri mannauðsdeildar, varamaður Emma Árnadóttir, mannauðsráðgjafi. Fulltrúi fjármálaráðherra er Angantýr Einarsson. Fulltrúar KTFÍ eru Haraldur Sigursteinsson, Vegagerð ríkisins og Óli Jón Hertervig, Reykjavíkurborg.
Afgreiðsla umsókna tekur að jafnaði um fjórar vikur frá því hún verið lögð fram til samþykktar.
Rafrænt umsóknareyðublað er hér til vinstri á síðunni. Athugið að skila verður frumriti af reikningum.