Menntamál
Starfsheitið
Menntunarnefnd TFÍ veitir umsögn til iðnaðarráðherra varðandi umsóknir um starfsheitisleyfi tæknifræðinga og inngöngu í félagið.
Símenntun og fræðsla
Eitt af megin einkennum nútíma - þekkingarþjóðfélags er að menntun er aldrei lokið. Annað einkenni er sívaxandi samkeppni milli mismunandi faghópa um forystu á sviði stjórnunar, athafna og viðskipta. Því er brýnna en nokkru sinni áður að efla samstöðu og þekkingu tækniræðinga og tryggja þannig að stéttin geti mætt nýjum kröfum.
TFÍ leggur sitt að mörkun til að efla endurmenntun og símenntun félagsmanna. Félagið er stofnaðili að Endurmenntunarstofnun Háskóla Íslands, á mann í stjórn og greiðir árlega til stofnunarinnar til að tryggja að símenntun tæknifræðinga sé ofarlega á baugi.
Menntunarnefnd ásamt Endur- og símenntunarnefnd (ENSÍM) eru ráðgefandi aðilar stjórnar varðandi þessi mál. Menntunarnefnd er einnig ráðgefandi umsagnaraðili um rétt manna til að kalla sig tæknifræðing og um umsókn að félaginu.
ENSÍM nefndin vinnur markvisst að því að tryggja sem fjölbreyttast og best framboð af námskeiðum fyrir tæknifræðinga og verkfræðinga.
TFÍ vinnur ennfremur að endur- og símenntunarmálum með:
- Ráðstefnum, fundum og fyrirlestrum.
- Gagnkvæmum kynnum félagsmanna.
- Skoðunarferðum og vettvangskönnunum.
- Útgáfu fagrita.
- Því að standa vörð um menntun íslenskra tæknifræðinga.
