Tæknifræðingafélag Íslands

Tæknifræðingafélag Íslands var stofnað 1960 og er öflugur samstarfsvettvangur sem hefur það markmið að auka tæknivæðingu á Íslandi og efla skilning á fjölbreyttum og mikilvægum störfum tæknifræðinga. Félagsmenn eru um 1100.

Deildaskipt félag

TFÍ er bæði fagfélag og kjarafélag. Tvær megin stoðir félagsins eru Kjarafélag Tæknifræðingafélags Íslands (KTFÍ) og Félag stjórnenda og sjálfstætt starfandi (STFÍ) og eru félagsmenn í annarri hvorri deildinni. Deildirnar hafa sjálfstæðan fjárhag.

Innan TFÍ eru svo starfandi landshlutadeildir og faghópar.

Engjateigur 9 er miðstöð félagsstarfs og þjónustu.

Skrifstofa TFÍ og félagsstarfssemi er að Engjateigi 9, Reykjavík.
Félagið sinnir þar einnig margvíslegri þjónustu við félagsmenn, kynningu og upplýsingum fyrir almenning.

Heimilisfang:
Engjateigur 9
105 Reykjavík

Símanúmer: 535 9300
Faxnúmer: 535 9311
Tölvupóstur: skrifstofa@verktaekni.is

Tæknifræðingafélag Íslands, Stéttarfélag verkfræðinga og Verkfræðingafélag Íslands reka sameiginlega skrifstofu. Skrifstofan veitir félagsmönnum alla nauðsynlega þjónustu og er bakhjarl fyrir innra starf félaganna.
Skrifstofan er opin alla virka daga frá 9-12 og 13-17. Lokað er í júlímánuði vegna sumarleyfa.

Símenntun

Menntun er aldrei lokið í upplýsingasamfélagi nútímans. Vaxandi samkeppni milli faghópa um forystu á sviði vísinda, stjórnunar, athafna og viðskipta undirstrikar nauðsyn þess að efla þekkingu og samstöðu tæknifræðinga til þess að styrkja stöðu fagsins og einstaklingana innan þess. TFÍ tók þátt í stofnun Endurmenntun Háskóla Íslands og tryggir framboð fyrir símenntun með þátttöku í stjórnun hennar og kostnaði félaga sinna.

Árbók - annáll liðins árs

Í Árbók VFÍ og TFÍ er starfsannáll félaganna og yfirlit yfir nýja félagsmenn. Einnig kynningar á stofnunum og fyrirtækjum, ritrýndar greinar og tækni- og vísindagreinar. Árbókina prýðir fjöldi mynda.

Verktækni

Birtir viðtöl, fréttir, stuttar greinar og umræðu um tæknimál líðandi stundar og ýmislegt annað efni. Blaðið er gefið út í samvinnu við Tæknifræðingafélag Íslands og Stéttarfélag verkfræðinga. Verktækni kemur út tíu sinnum á ári.