Norrænt samkomulag um gestaaðild

Samkomulagið um gestaaðild nær til eftirtalinna norrænna félaga verkfræðinga og tæknifræðinga auk íslensku félaganna VFÍ, SV og TFÍ.

Svíþjóð:

Sveriges Ingenjörer (stofnað 1. janáur 2007 með sameiningu Sveriges Civilingenjörsforbund (CF) og Ingenjörs forbundet (ING)). Þjónar bæði verkfræðingum og tæknifræðingum. Frekari upplýsingar er að finna á www.sverigesingenjorer.se.

Noregur:

Teknisk – naturvidenskapelig förening (Tekna) – þjónar fyrist og fremst verkfræðingum en Norges Ingeniörorganisation (NITO) – þjónar tæknifræðingum og (meinatæknum). Frekari upplýsingar er að finna á www.tekna.no og/eða www.nito.no.

Finnland:

Vakin er athygli á því að í Finnlandi, líkt og í Þýskalandi kallast verkfræðingar („civil –“) „diplomingenginerer“).

Tekniikan Akateemisten Litto (TEK) þjónar verkfræðingum en --- insinöörliitto (UIL) þjónar tæknifræðingum. Frekari upplýsingar er að finna á www.tek.fi og/eða www.uil.fi.

Auk þess eru tvö sænskumælandi félög: Driftingenörsförbundet í Finnlandi (DIFF) – kjarafélag sænskumælandi tæknifræðinga og Tekniska Föreneningen í Finnlandi (TFTF) – fagfélag fyrir sæknskumælandi verkfræðinga. Frekari upplýsingar er að finna á www.diff.fi og/eða www.tfif.fi.

Samkomulag er á milli finnsku félaganna um að allir félagsmenn VFÍ, SV og TFÍ ( sem uppfylla skilyrði um gestaaðild) þ.e. tæknifræðingar, geti gerst gestafélagar í DIFF en verkfræðingar í TFIF/TEK.

Danmörk:

Ingeniörforeningin í Danmark (IDA) er kjara- og fagfélag allra tæknifræðinga og verkfræðinga. Frekari upplýsingar er að finna á www.ida.dk.

Hver getur gerst gestafélagi?

Ef þú vinnur á einverju norðurlandanna, getur þú orðið gestafélagi í viðkomandi félagi í því landi sem þú vinnur í að því skilyrði uppfylltu að þú sért áfram félagi í SV, TFÍ eða VFÍ.

Samþykktin nær ekki til ungfélaga eða þeirra sem hættir eru vinnu.

Hvað felst í gestaaðild?

Gestafélagi hefur sama rétt í norrænu verkfræði- og tæknifræðingafélögunum og almennir félagsmenn en er án atkvæðis- og kjörgengisréttar. Lögfræðikostnaður er ekki innifalinn í gestaaðild og verður því aðeins greiddur að móðurfélag þitt samþykki greiðsluna. Samkomulagið nær heldur ekki til atvinnuleysisbóta.

Hvað lengi getur þú verið gestaaðili?

Hægt er að vera gestafélagi í mesta lagi í þrjú ár. Gestaaðild fellur niður ef þú segir þig úr þínu félagi (SV, VFÍ eða TFÍ) eða hættir störfum í viðkomandi landi.

Umsóknareyðublað má nálgast hér á síðunni.

Senda grein