Fræðslufundur BSTR og VFÍ
Varnir innviða - Lágmörkun byggingagalla og CE merkingar
Byggingarstaðlaráð og Verkfræðingafélagið standa fyrir opnum kynningar- og fræðslufundi í Verkfræðingahúsi, Engjateigi 9. Fundurinn verður haldinn þriðjudaginn 7. maí 2024 og stendur frá kl. 12:00 til 13:00 og er svokallaður samlokufundur. Streymt verður frá fundinum:
https://vimeo.com/event/4285058
Dagskrá:
Varnir mikilvægra innviða – Varnargarðar á Reykjanesi
Ari Guðmundsson byggingarverkfræðingur hjá Verkís fjallar um aðdraganda að varnaraðgerðum á Reykjanesi sem hófust fyrst 2021. Farið verður yfir notkun á hraunflæðihermunum, hönnun og útfærslu á varnaraðgerðum við Svartsengi og Grindavík. Þá verður farið yfir stöðu á verklegum framkvæmdum við varnargarðana.
Lágmörkun byggingargalla og CE merkingar
Gústaf A. Hermannsson og Þórunn Sigurðardóttir hjá HMS munu segja frá vinnu við að safna upplýsingum um byggingargalla í mannvirkjum og hvernig hægt verði að nýta þær upplýsingar til þess að lágmarka byggingargalla í framtíðinni. Hluti af því er m.a. fræðsla um notkun CE merkinga byggingarvara og fylgiskjala þeirra.
Að loknum erindum verður boðið upp á fyrirspurnir og umræðu.